RSS訂閱 花旗國魚缸繼續受白宮內部問題影響，上周五（１８日）全線下跌，侵侵如果唔盡快管理好白宮嘅人事問題，睇怕大家都唔會有好日子過。魚缸上星期受外圍影響走低，曾經跌穿２７０００點水平，今早（２１日）稍為反彈，返回上升軌道，開報２７１００點，一度高見２７２２１，但未能觸及十天線及廿天線（均在２７３００水平）。
華潤燃氣（０１１９３）上周五（１８日）公布中期業績，純利升８巴仙至約２１億銀，呢個成績比起上年半年升幅２６巴仙，增幅明顯平平。今朝就曾經跌穿１００天線，盤中低見
２６﹒１銀。半日成交股數已經超過上個交易日，顯示缸友開始紛紛離場。
野村亦唔多睇好呢隻股，將評級由「買入」降到「中性」，亦同時將目標價由３２銀下調至３１﹒５銀。又話比起潤燃，更加推薦缸友入手表現比較平穩嘅中國燃氣（００３８４），大家可以再考慮下跟唔跟。潤燃怕且暫時未見底，建議揸住貨嘅缸友，都係趁早離場為妙。
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
