RSS訂閱 講起墨西哥，會令人諗起仙人掌、傳統服飾等等。喺香江，唔少人仲會擺一盆仙人掌仔喺書檯上邊，用來裝飾兼點綴一下。近排，墨西哥話畀大家知，仙人掌除咗食用、製藥、觀賞之外，仲可以用來發電添！究竟係點嘅一回事呢？
墨西哥城南部一個名為上米爾帕（Ｍｉｌｐａ Ａｌｔａ）嘅地方，每年都會種植產出２０萬噸仙人掌，農戶會將仙人掌拎去市集到賣，故市集每日都會留低超過１０噸爛咗唔要嘅仙人掌。當地政府有見及此，喺５月份搞咗個試驗計劃，用呢Ｄ爛爛咗唔要嘅仙人掌用來發電，真正廢利用。
當地預計，由今年１１月左右，每日可以處理３至５噸殘餘物，仲生產到１７０立方米嘅沼氣。換句話來講，呢ｄ沼氣就最多可以生產到１７﹒５萬瓦，即係足足可以點着９６０個慳電膽，都相當厲害喇。
呢個試驗計劃耗資８４萬美金，由當地政府咩起呢筆數，有關當局官員仲話，期望呢個計劃可以推廣到去三百幾個農產品市場，好讓佢地可以做到能源自給自足咁話喎。
計盈盈話，若然成功呢，拉丁美洲就可以帶頭搞搞生物能源，同時，亦唔使喺墨西哥灣大量採油，始終開發石油、鋪油管，都會對環境造成不少破壞。所以話，今次墨西哥人利用仙人掌發電創造生物能源，就同全世界人樹立咗個好榜樣，盈盈唔畀個ｌｉｋｅ都唔得。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
