RSS訂閱 道指噚晚（２１日）有番Ｄ起色，今朝（２２日）魚缸高開１６７點點之後愈升愈有，暫時收復番十天線（２７２９０點）同廿天線（２７３５３點）。
內房今朝落鑊，中海外（００６８８）噚日晏晝公布半年賺多咗２５巴仙去到２１６﹒５億，派３５仙。野村話佢毛利率反彈，土地儲備多咗好多，又識降低成本，相信可以受惠潛在併購同埋國企改革，目標價升到去３１﹒９８銀。摩通、中金同高盛等等亦齊齊升佢目標價，令中海外今朝炒高半成有多。
阿爺似乎將內地磚頭價格控制得幾好，除咗Ａ場之外連內地磚頭都變埋做慢牛，樓市穩定對賣樓好重要，大上大落點令人安心置業，相信內房龍頭將會繼續輪住炒。給你一個五星級的家嘅碧桂園（０２００７）日內放榜，又炒起超過６巴仙。內房一於有貨就揸實等見頂先放！
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
