蘋果新機唉瘋8(iPhone8)比唉瘋X(iPhoneX)搶先一步開賣,不過被網民喻為「配角」嘅唉瘋8,孖屐反應一般。買佢嘅,係因為鍾意佢個鏡頭;唔買嘅,除咗因為價錢因素外,仲有就係因為佢個「玉背」太易碎!
事關唉瘋8嘅後背,變成咗平滑玻璃,有唔少網民就分享佢哋嘅悲慘經歷,新買返嚟嘅唉瘋8唔小心跌落地,個個部手機背脊都跌碎晒,肉赤得嚟令人心都碎埋。
而且呢一款玻璃後蓋,修理上嚟仲唔平!因為喺AppleCare+服務計劃之下,碎玉背係屬於「其他損壞」,修理費用係788蚊,係高過「屏幕損壞」嘅228蚊!如果你無加入到個計劃,維修費分別高達2688蚊同1158蚊!
如果你無加到個AppleCare+服務計劃,咁修理一次唉瘋8嘅玉背個維修費,連埋部機嘅成本,足夠用嚟買一部唉瘋X啦。蘋果整到唉瘋8咁易碎,唔知係咪迫用家快D換機呢?《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情