RSS訂閱 中美貿易戰打得火熱，外界早已認為呢場仗會好漫長，以年計應該都走唔甩。兩國互徵關稅，出口就一定受到影響，唔少商家都已經提前出貨。可以睇到，神州嘅出口表現由今年４月開始一直勝預期，基本上都有雙位數升幅。準備好出口減弱嘅同時，刺激經濟、擴大內需當然唔少得。
國務院總理李克強打從７月底開始，就已經開到聲要求加快中西部基建投資，一眾基建佬當然明顯炒上，基建三寶就梗係走唔甩。不過，缸友好似遺忘左鋼鐵佬。川藏鐵路喺李克強總理既「重中之重」，要起鐵路，又點可以唔用鐵？
數據顯示，在近２０間公布咗第三季業績或預告嘅鋼鐵上市公司中，全部都係報喜，大部分更加估計會有超過一半升幅。
除咗基本面好，鋼鐵佬升唔升得起，都好睇啲鋼鐵既價錢。大家都知，冬天嚟梗喇。神州最興喺冬天做咩？咪就係因為環保而限產囉。考慮到供應減少，而基建投資又加速，咁鋼價又點會唔升呢？鋼價升，鋼鐵佬自然飆得高！
至於揀咩股，馬鋼（００３２３）近期已經升得比較多，而重鋼（０１０５３）弱勢又未止，鞍鋼（００３４７）就相對可取。鞍鋼上個禮拜四（１１日）曾經創過近一年低位，低見６﹒２４銀，但之後呢幾日股價都節節上升。繼噚日（１５日）企穩十天線（約６﹒６銀）之後，今日亦進一步上試２０天線（約６﹒８８銀）。
技術分析上，參考ＭＡＣＤ技術指標，快線啱啱喺噚日超越慢線，柱線由負轉正，買入訊號已經出現。如果睇埋慢步隨機指數（Ｓｌｏｗ ＳＴＣ），％Ｋ線亦都喺噚日上破％Ｄ線，買入訊號進一步確認，如果今日股價臨收市前都可以企穩保力加通道嘅中軸（約６﹒８９銀）或者２０天線，缸友們不妨考慮入返注喇，止賺位睇７﹒５銀。不過。如果股份再跌穿年內低位，就好止蝕離場喇！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
