RSS訂閱 比特幣價格上日（１６日）升到去９０００美金，期間仲高見９３８５美金，喺自上年五月以嚟、創逾一年嘅新高！比特幣突然喺咁升嘅主要原因，可能係因為Ｆａｃｅｂｏｏｋ（臉書）即將推出新嘅虛擬貨幣，而主流嘅金融公司都陸陸續續開始採用虛擬貨幣。
比特幣作為全球最大嘅虛擬貨幣，上日急升近３％創一年新高，雖然之後就開始回落，但依家仲喺９１００美金水平。同一時間，比特幣嘅競爭對手都有升幅，好似萊特幣（Ｌｉｔｅｃｏｉｎ）及以太幣（Ｅｔｈｅｒｅｕｍ）都有明顯升幅。
由於ｆｂ將推出一項新的加密貨幣叫Ｌｉｂｒａ，聽聞仲有好多大公司鼎力支持，包括Ｖｉｓａ、ＰａｙＰａｌ同Ｕｂｅｒ。有唔少公司聽到消息之後，都覺得虛擬貨幣非常有前途，更加希望日後可以加強他們嘅虛擬貨幣供應服務，所以比特幣由年頭到今都喺咁升，依家升幅已經超過咗１３０巴仙，同期彭博虛擬貨幣基準指數（ＢＧＣＩ）都升近一倍。
雖然好多人都估佢唔到，但其實比特幣個價依家仲未能夠超越２０１７年底嘅１﹒９萬美金嘅歷史高點，睇嚟比特幣成為投資者嘅「賣飛佛」指日可待啵。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
