RSS訂閱 全球新冠疫情持續，不過喺各國已經相繼為民眾接種疫苗嘅背景下，採唔採用「疫苗護照」成為咗唔少國考慮嘅問題。
「疫苗護照」其實就唔係護照，而係證明已獲注射疫苗嘅電子證明，某程度上可以確保旅遊者身體已有病毒抗體。近期，包括南韓、新加坡、泰國、英國、奧地利、以色列在內多個國家，都提出研究啟用疫苗護照計劃，希望以此取代現時１４天強制隔離令，方便跨國旅遊，相信有助推動環球經濟復甦。
神州國務委員兼外長王毅噚日宣佈，將推出神州版國際旅行健康證明電子文件，並會落實「健康碼國際互認倡議」，喺充份保護個人私隱嘅前提下，實現核酸檢測、疫苗接種等各方面訊息相互認證，有助安全有序的人員交往。
不過，各國喺疫苗護照問題上意見並唔統一；包括法國和德國在內國家擔心，為接種過疫苗嘅人士放寬旅行限制，對其他仍然等待接種疫苗嘅人構成歧視。依家疫苗嘅分配情況已經極為不均，給予接種者更多特權，同時加強對未接種者限制，可能會擴大社會差距。世衛都反對計劃，有專家擔心，目前仲唔確定接種疫苗後免疫力可以維持幾耐，就算接種完疫苗都好應該做好個人防護措施。
當然，打完疫苗並非１００％唔會感染新冠肺炎，只係保護自己免於變成重症，但仍然有傳染俾人嘅可能。所以要取消出入境限制，疫苗接種率或者要達到７成嘅群體免疫門檻。加上香江呢幾日都市民出現打完疫苗後唔舒服，甚至死亡嘅個案，雖然無證據證明同疫苗有關，但「Ｔｏ ｂｅ ｏｒ ｎｏｔ ｔｏ ｂｅ，ｔｈａｔ ｉｓ ａ ｑｕｅｓｔｉｏｎ」。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票
