RSS訂閱 個市一個朝早就跌足１０００點，穿埋兩萬四，下半年以嚟差唔跌咗５０００點！
盈盈就發現，原來印度神童阿南德已經一早提過大家要睇路，佢之前已經預言過經濟７月開始動盪，９月情況更嚴重，仲預言動盪市持續到年尾！
踏入９月股市大跌，有網民就話「印度神童又批中」，不過阿南德預言，９月動盪會持續到１１月，提醒要留意經濟股市震盪嘅兩個時間，包括９月１４同１１月２１日！
今年９月１４日，因為木星將進入魔羯座，對世界不利，無論係疫情定股市都會有不測風雲出現，果然港股就預先係１３號，一開市已經低開２５８００點，到１４號插水穿過２５４００點之後，就一直向下，到今日仲跌穿埋２４０００關口！
印度神童話全球股市動盪到今年１１月２１日，即係木星離開魔羯座，去到水瓶座，先會迎來轉機，整體到２０２３年先會好轉，不過，最大的一波動盪係出年４月「火土大合」發生！嗰陣全球會面對一連串的劇變同慘痛事件，堪稱係「大崩壞時期」！
係險市之下，神童就教大家可以投資低風險同埋穩健型資產！例如黃金，不過盈盈就話，都預言到會有波幅，當然係邊度跌低邊度起番起身啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
