RSS訂閱 中移動（00941)剛剛公布今年上半年業績，通信服務收入為4264億人民幣，按年增長8.4%，但係移動ARPU按年增長0.2%，達到52.3人民幣，中移動董事長楊杰係電話會議解釋，當5G客戶規模擴大時，ARPU一定會有所下降，但更多客戶遷移至5G套餐，整體移動用戶ARPU亦可維持。
不過，另一個焦點，在於楊杰係會議上提及，去年派息比率為60%，今年就會高於60％，預計去到2023年就會去70%，咁就FAT FAT囉，而家個市跌到咁殘，其實真係無野好得過搵隻穩定收息股。
其中中移動股價一路都好穩定，除左係2021年個排跌過落30幾蚊，之後一路都係維持50幾蚊水平，作為一隻收息股表現都幾好，聽到公司高層都拍心口話提高派息比，意味短期內股價有機會繼續炒上，想話早入手嘅缸友真係要提早入場啦。
大行花旗發表研究報告指出，受惠於強勁的固定寬帶和穩健的移動服務營收成長等，中移動上半年利潤超出花旗及市場預期。同時管理層提出了70%或以上股息支付的具體時間線，可被視為一個積極信號；中金發表研究報告指出，中移動歸母淨利潤則超預期，而中移動重視股東回報率，中金維持對中移動A股和港股的「跑贏行業」評級，A股目標價為81元人民幣，港股目標價為75港元。
連大行都睇高一線，真係無理由唔買啦！建議目前先入一注，避免錯失先機，皆因股價已經起飛啦！等佢回落到50蚊甚至跌穿50蚊就可以考慮撈底，暫時睇呢隻股可以揸個一年半載都唔怕，分分鐘「財息兼收」都有可能！
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
