RSS訂閱 《笑傲缸湖》香江嘅地主今日跌到一仆一碌，祖國嘅地主今日就集中於「八卦新聞」之上。
缸湖盛傳祖國最大地主之一嘅萬科（深：０００００２）老闆王石原來已經同糟糠之妻王江穗搞
緊離婚。
唔通又係好老土嗰句「因了解而分開」？抑或係王老闆為咗避過阿爺嘅規管想買多一套房而
搞離婚呢？統統都唔係，缸湖傳聞就話，老王離婚都係一個「情」字累事，據聞佢係為咗一位
８０後嘅女演員田樸珺而同老婆結束關係，仲話已經辦緊離婚手續。
祖國缸湖傳到㷫烚烚，雖然係自己嘅私人事，王石都惟有要回應幾句。佢就話：「家庭是社
會基石，每個家庭成員都有維護、保護他的義務，我沒有背叛家庭﹔個人感情是非常個人化的事
，西方叫Ｐｒｉｖａｃｙ，我希望全社會有保護個人隱私意識﹔企業家也需保護﹔希望大家把更
多注意力給萬科正在進行的環保住宅活動。」
王石既然都咁樣回應，相信件事都十之都真係有八九喇！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
