RSS訂閱 《笑傲缸湖》曾幾何時，盈盈都被譽為「肯食麥記（麥當勞）嘅女朋友」，皆因嗰度有盈盈
最喜歡嘅至尊漢堡、足三兩同埋板燒雞腿包，不過香江麥記就宣布要取消呢三款包，自然好唔捨
得呀！但探子回報，喺花旗國，麥記反而好為消費者著想，為公司嘅美食畫上神來之筆！
過去，麥記漢堡包一向都係用上冰鮮牛肉，但據報，花旗國麥記打算用新鮮牛肉取代冰鮮牛
！點會唔令盈盈垂涎三尺呢？
可靠消息指，麥記將會喺德克薩斯州嘅３２８間分店度引入新鮮牛肉包。用上新鮮牛肉嘅包
，包括足三兩、大芝士漢堡、Ｄｏｕｂｌｅ足三兩等款式嘅漢堡包。
早前集團都表明，由於呢幾年公司失去５億客人，所以早前就話要斥資相當於１３２億港紙
，去重塑快餐店形象留客。下個月尾麥記就會放榜，到時缸友就拭目以待，睇吓麥記新策略之下
，會唔會有好好嘅表現啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
