RSS訂閱 《笑傲缸湖》從前，有個小女孩，長大咗變得亭亭玉立嘅少女，曾經有好多人都因為佢而瘋
狂迷上，而大部分粉絲仲要係女仔，後來佢仲識咗個男朋友阿Ｋｅｎ。不過，時而世易，隨住愈
來愈多靚女由迪士尼度走出嚟，呢位女子嘅人氣已經大不如前，而佢，就係Ｂａｒｂｉｅ。
據報，全球玩具大王美泰兒（Ｍａｔｔｅｌ）出品嘅Ｂａｒｂｉｅ公仔，今年首季銷售大跌
１３巴仙，係連續第二個季度下跌。呢款產品曾經係美泰兒最重要嘅產品之一，公司極之重視，
更加曾經因為消費者嘅投訴，而專登改造Ｂａｒｂｉｅ嘅身材，令到佢更貼近現實嘅女性。
不過，隨住迪士尼嘅大力發展，魔雪奇緣嘅愛莎，美女與野獸嘅貝兒，都成為同
Ｂａｒｂｉｅ爭寵嘅勁敵，美泰兒仲失去咗同迪士尼嘅合作機會，難怪美泰兒業績會重傷啦！
不過，其他人厭倦咗Ｂａｒｂｉｅ唔緊要，因為喺阿Ｋｅｎ心目中，Ｂａｒｂｉｅ嘅地位始
終唔會變嘅！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
