《笑傲缸湖》家陣智能手機咁流行,唔單止細路會掛住玩唔食飯,連身為家長嘅大人,都不
能幸免。據報,米字國嘅青少年就對低頭族家長好不滿啦!
近日米字國有項調查訪問咗2000名11到18歲嘅青少年,當中超過三分一人透露,話
曾經要求過父母要放低手機。八成二嘅人話手機唔可以擺上餐桌,兩成二嘅青少年覺得父母玩手
機會影響家人之間愉快相處。
有咩事令到青少年要求父母放低手機呢?原來嗰三分一嘅人當中,近一半嘅人都話父母對自
己要求置之不理,有四成四嘅人就話自己嘅感覺被忽視好難過。
其實,難過嘅可能唔止仔女,老婆都會好難過!點解咁講?因為阿里巴巴主席馬雲亦話,
「好多人夜晚起身摸嘅唔係老婆,係手機!」咁樣叫做老婆嘅情何以堪!
現代人中手機毒中得極深,難怪瑞聲(02018)、舜宇(02382)呢D手機概念股
會成日破頂啦!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情