RSS訂閱 《笑傲缸湖》花旗國總統侵侵（特朗普）不嬲愛同傳媒作對，最近佢就話自己喺唔同嘅社交
平台一共有「１億」個ｆｏｌｌｏｗｅｒｓ，令佢可以避開啲成日唱衰佢嘅「假傳媒」，直接同
佢嘅支持者對話。此話一出，ＣＮＮ就揾人去查證到底侵侵喺咪真喺有咁多忠實粉絲，發現將侵
侵喺唔同平台嘅ｆｏｌｌｏｗｅｒｓ加加埋埋都只係得８６７０萬，扣除埋同一個人喺唔同平台
ｆｏｌｌｏｗ侵侵嘅數目，最終只喺得６０００萬左右。
雖然侵侵嘅支持者喺短短１２個月內由１５００萬增加到６０００萬的確威水，但作為花旗
國大佬都唔可以吓吓為所欲為，真正喺Ｔｗｉｔｔｅｒ有１億個ｆｏｌｌｏｗｅｒｓ嘅人係歌手
Ｋａｔｙ Ｐｅｒｒｙ。要同大明星比可能有啲唔公平，咁政壇上喺Ｔｗｉｔｔｅｒ最多支持者
嘅喺邊嗰呢？答案喺花旗國前話事人奧巴馬，有成９１００萬ｆｏｌｌｏｗｅｒｓ，睇嚟侵侵想
得民心都仲喺要向奧巴馬多多學習哩！更重要嘅喺，侵侵所謂喺社交平台同支持者嘅「對話」，
只喺停留於睇佢點話批評佢嘅人，對佢嘅批評就唔多回應，就好似ＦＢＩ調查俄羅斯涉嫌干擾花
旗國大選咁耐以黎，侵侵一直都冇回應，直到上星期五佢終於認被調查，但就話被「迫害」。事
實喺點盈盈就無從稽考，但作為一國之君，只喺用一句「迫害」就想還自己清白始終欠說服力，
侵侵都喺唔好玩咁多Ｔｗｉｔｔｅｒ住，專心打理好花旗國先啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
