《笑傲缸湖》19世紀花旗國曾經興起一股淘金潮,估唔到今時今日花旗國依舊遍地黃金。
繼盈盈上次提過,有人喺街邊攤檔搵到價值連城嘅蘋果絕版波鞋,最近花旗國又有兩名大學生周
街「執到寶」。
事源呢對大學生閒來走過一間就快執嘅救世軍二手店,喺一堆冷衫之間發現5藍1白嘅花旗
國太空總署太空衣,仲以破底價每件20美仙買咗。
唔好以為1﹒2美金6件衫應該假過A貨啦,太空總署事後印證呢批太空衣係堅料,其中一
件印有「launch╱entry coverall(發射工作服)」相信喺1982至
1986年穿梭機航天計劃中用過嘅,另外幾件印上「George Nelson」、
「Robert Parker」就同當年嘅太空人人名一樣。
盈盈好好奇,依批上世紀80年代出產嘅太空衣究竟真正值幾錢呢?參考花旗國太空館嚟緊
11月舉行嘅拍賣,一件原來估價5000美金!睇嚟盈盈得閒無事都要多啲去二手店逛逛,話
唔定隨時發番個橫財呢!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
樂本健【秋日開倉26 - 27/9】保健品低至$20!► 火速行動