RSS訂閱 《笑傲缸湖》Ｕｂｅｒ旗下公司ＵｂｅｒＥａｔ咁啱喺上年嘅１０月喺香江正式營業，盈盈
用咗之後都覺得非常方便；而喺地球嘅另一邊，有間叫ＥｌｓｉｅＰｉｃ嘅攝影公司，明白到呢
個世代嘅人，對靚相、自拍照有一定嘅要求，於是就將ＵｂｅｒＥａｔ搜索喺附近外賣員呢個
Ｃｏｎｃｅｐｔ，搖身一變就演變做搜羅「專業龍友」喇！
點解會萌生出呢個概念出來呢？事緣就係呢間公司嘅創辦人Ｔａｔｉａｎａ Ｃｏｏｋｅ係
佢同家人度假個陣突然諗到嘅：當大家想影幅大合照個陣，醒目嘅你當然會叫周圍嘅途人幫手按
下快門鈕喇，但幅相嘅質素，往往就強差人意！當時佢靈光一閃突然諗到話喺旅行個陣，如果可
以用Ａｐｐｓ即時「網羅」專業龍友就好啦。就係咁樣，呢個Ａｐｐ誕生咗啦。
當用家打開ＥｌｓｉｅＰｉｃ呢個ｂｅｔａ版嘅Ａｐｐ個陣，版面就會顯示一幅地圖，地圖
入邊就係顯示既喺就近、又得閒影相嘅「專業龍友清單」，清單上會有晒每個龍友嘅點擊率，同
埋專業器材嘅類別。配選好之後，咁你就可以行過去攝影師個邊，姊妹們自可留下倩影喇，而呢
幅完成品就會自動Ｕｐｌｏａｄ上去個Ａｐｐ到架喇，咁樣的話，Ｄ相嘅ａｎｇｌｅ就唔使次次
都係自拍照喇！
但盈盈始終覺得，雖然呢條橋係想體現共享經濟嘅互助互愛嘅精神，值得鼓勵；但叫盈盈若
然身在外地旅遊，玩下食下，為了影張相要勞動專業拍攝，好似ｏｖｅｒ咗囉，倒不如留多Ｄ時
間到處遊覽仲好。
但係，如果想體驗一下呢個Ａｐｐ嘅姊妹們就或者要等下喇，皆因當盈盈打開
Ｇｏｏｇｌｅ Ａｐｐｓ Ｓｔｏｒｅ想話下載呢個Ａｐｐ個陣，就發現呢個Ａｐｐ標示着「開
發階段」呢四隻字，欲知支付收費、服務範圍嘅詳情，要繼續密切留意最新嘅動態喇！
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
