RSS訂閱 《笑傲缸湖》早兩日（１８日）中共總書記，亦即係國家主席習近平，為十九大開幕做報告
。咁大件事盈盈都有盡力集中精神睇電視直播，身為神州科網巨頭ＱＱ（００７００）就好識
把握機會，利用遊戲去為習大大打氣！
ＱＱ推出嘅呢款手機遊戲，叫做《為習近平鼓掌》。遊戲玩法係喺習大大講話時，喺１９秒
入面點擊手機鼓掌，點擊次數愈多得分愈高。原來呢款遊戲截至噚日（１９日）下午，累計掌聲
已達１０億次！
早前已經有消息傳出，話中央政府有意入股ＱＱ同阿里巴巴呢一類科網巨企，不論消息係真
係假，ＱＱ出遊戲為習大大鼓掌，應該獲中央高度評價吧。
盈盈知道，神州有幼稚園播放十九大片段畀小朋友睇。盈盈建議，唔應該齋播直播，而係應
該將呢款遊戲推廣至全國包括香江嘅幼稚園，等小朋友一齊鼓掌先得！盈盈出盡全力鼓掌，喺
１９秒入面都可以拍到２９５次，成績都唔錯吖！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
