RSS訂閱 《笑傲缸湖》全能嘅谷歌（Ｇｏｏｇｌｅ）大神，可以話係盈盈第二個男朋友，因為盈盈有
乜唔明都會搵佢求救。而２０１７年香江最熱爆嘅十大關鍵字搜尋當中，有７個都屬於電視劇集
，反映咗電視劇喺香江人嘅影響力。
咁對於全世界整體嚟講，普遍人關心得最多嘅又係乜嘢呢？谷歌大神都做咗個統計。全球最
熱門搜尋字係９月份喺花旗國嘅艾瑪颶風。個風暴造成百幾人罹難，對花旗國經濟損失達到六百
幾億美金，絕對值得引來全世界嘅關注！
不過，花旗國打風，始終只係花旗國事。全球通行嘅「唉瘋」為今年全球最熱門搜尋關鍵字
第二位同第三位，分別係「唉瘋８」同「唉瘋Ｘ」！見盈盈周不時提起唉瘋新聞，就知道大家幾
咁關心啦！
頭十大熱門搜尋關鍵字當中，除咗唉瘋同香江有關，另一樣嘢都廣為人所熟悉，佢就係排第
８位嘅「指尖陀螺」！仲記得街上好多攤檔都有賣指尖陀螺，小朋友仲好鐘意添！盈盈亦用過谷
歌搜尋，原來呢個指尖陀螺有助幫自閉症嘅人士集中精神！真係估都估唔到呀！《任盈盈》
－－－－－－－－－－－－－－－－－－－－－－－－－－－－－－－－－－－－－－－
谷歌全球十大熱門搜尋（２０１７年）
－－－－－－－－－－－－－－－－－－－－－－－－－－－－－－－－－－－－－－－
１ 颶風艾瑪
２ 唉瘋８
３ 唉瘋Ｘ
４ 馬特勞厄爾（Ｍａｔｔ Ｌａｕｅｒ，美國演員）
５ 梅格漢馬克爾（Ｍｅｇｈａｎ Ｍａｒｋｌｅ，美國女星）
６ 美國電視劇《漢娜的遺言》（Ｔｈｉｒｔｅｅｎ Ｒｅａｓｏｎｓ Ｗｈｙ）
７ 湯姆派蒂（Ｔｏｍ Ｐｅｔｔｙ，搖滾歌手）
８ 指尖陀螺（Ｆｉｄｇｅｔ Ｓｐｉｎｎｅｒ）
９ 查斯特貝寧頓（Ｃｈｅｓｔｅｒ Ｂｅｎｎｉｎｇｔｏｎ，樂隊林肯公園主唱）
１０ 印度國家板球隊（Ｉｎｄｉａ Ｎａｔｉｏｎａｌ Ｃｒｉｃｋｅｔ Ｔｅａｍ）
－－－－－－－－－－－－－－－－－－－－－－－－－－－－－－－－－－－－－－－
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
