RSS訂閱 《笑傲缸湖》將人類送上火星一直都係「鋼鐵人」馬斯克（Ｍｕｓｋ）嘅夢想，早前佢仲喺
ＳＸＳＷ音樂節度，分享佢對火星建設人類文明嘅睇法。但原來能夠行到講火星理想嘅呢一步之
前，馬斯克經歷咗唔少辛酸史，佢旗下嘅公司十年前仲一度頻臨破產邊緣！
馬斯克自爆話早於２００２年初，當時佢唔敢畀朋友投資於ＳｐａｃｅＸ同Ｔｅｓｌａ（特
斯拉）呢兩間公司，因為怕朋友會蝕錢。到咗２００８年時，兩家公司幾乎破產，當時佢仲經歷
離婚，甚至要問朋友借錢交租。
當然嚟到今日情形１８０度扭轉，ＳｐａｃｅＸ同Ｔｅｓｌａ都成為馬斯克改變世界嘅武器
。被問到點解佢對太空咁有興趣，原來馬斯克係為咗當第三次世界大戰發生時，人類可以保存落
嚟繼續繁衍而做準備。
馬斯克仲描繪咗一個美好嘅火星願景。
「火星上應該有好正嘅酒吧。」馬斯克畀咗一個好提議。仲唔止！佢仲話火星仲需要有
ｐｉｚｚａ店同埋夜總會。至於火星上實行咩政治制度最好？馬斯克就認為應該實行民主制！
馬斯克話下年年初Ｆａｌｃｏｎ火箭有機會實行火星試飛。如果人類真係成功立足火星，唔
知到時馬斯克身家又會暴漲幾多呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
