RSS訂閱 《笑傲缸湖》話說盈盈好鍾意睇卡通片，嚟緊就會有《Ｔｈｅ Ｉｎｃｒｅｄｉｂｌｅｓ
２》（超人特攻隊２）上映，真係等到頸都長埋。其實動畫迷遍佈世界各地，近日探子就搵來一
個外國網站製成嘅世界動畫百大排名榜，大部分盈盈鍾意嘅動畫都上榜！
頭十大動畫入面，西方動畫佔咗６席，東瀛動畫佔咗４席。而奪得首席嘅，就係由吉卜力工
作室創作嘅《螢火蟲之墓》，呢對可憐嘅兄妹雖然慘亡於戰亂中，但二人嘅故事、導演對平民嘅
關懷深深打動咗觀眾！此外，吉卜力工作室創作嘅《千與千尋》、《龍貓》就分別排第４同第９
位。東瀛隊當中主要由吉卜力工作室領軍，當中宮崎駿執導嘅《魔女宅急便》、《天空之城》，
亦喺百大榜上有名，其他如新海誠嘅《你的名字》亦奪得第７位排名！
至於西方方面，排行榜基本上就由Ｐｉｘａｒ同迪士尼（Ｄｉｓｎｅｙ）嘅作品瓜分。排第
二名嘅《Ｉｎｓｉｄｅ ｏｕｔ》（反轉腦朋友）同第三位《Ｔｏｙ Ｓｔｏｒｙ３》（反斗奇
兵３）都睇到人津津樂道。另外，迪士尼公主系列動畫亦都上榜，而《Ｆｒｏｚｅｎ》（冰雪奇
緣）更加創造咗４億美元票房紀錄，同《Ｔｏｙ Ｓｔｏｒｙ３》及《Ｆｉｎｄｉｎｇ Ｄｏｒ
ｙ》一樣，係比較成功嘅公主系列動畫。
睇返神州方面…對唔住，暫時未有神州動畫上榜。睇嚟神州嘅喜羊羊要跑快Ｄ先得啦，仲有
香江嘅麥兜，你都要加油呀！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
