RSS訂閱 《笑傲缸湖》雖然仲未正式踏入７月份，但喺炎熱嘅夏天，忍唔到嘅時候，盈盈就會飲一啖
沁人心脾的清涼汽水啤酒，悶熱嘅身體同呆滯嘅精神，都會即時Ｆｒｅｓｈ晒！
而近排又有世界盃睇，放假嘅時候，都會叫埋班Ｆｒｉｅｎｄ，一邊ＢＢＱ，一邊世界盃，
玩吓笑吓通頂都唔覺，啤酒、汽水就梗係無限ｒｅｆｉｌｌ先過癮喇！但系如果你而家喺英國，
可能就要驚無得飲喇。事關米字國生產二氧化碳（ＣＯ２）嘅大型工廠，進入咗季節性維修閉廠
嘅日子，剩低一間大型生產商仲做緊生意，而ＣＯ２就係整啤酒同汽水嘅重要成份之一！
啤酒大佬喜力（Ｈｅｉｎｅｋｅｎ）同Ａｍｓｔｅｌ都紛紛嗌晒救命，代表全英國２萬幾間
酒吧嘅全英啤酒工會（ＢＢＰＡ）就話，生產商可能要等到７月先可以慢慢恢復正常供應。仲有
，原來唔單止啤酒公司受到影響，米字國至少六成嘅家禽產業都會受到影響，因為屠宰場都需要
ＣＯ２去焗早Ｄ動物，同埋又可以用來包裝新鮮肉類食品。英國家禽協會（ＢＰＣ）仲要求政府
，優先將ＣＯ２供應給屠宰場添。
盈盈就知無Ｏ２（氧氣）就無得生存，而家先知無ＣＯ２，原來會無得食肉飲酒！咁樣睇世
界盃仲邊度有癮呀！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
