RSS訂閱 《笑傲缸湖》盈盈覺得Ｄ公眾人物真係慘，成日被鏡頭睇住，少少唔留意就大鑊鳥。今次鏡
頭主角，就係侵侵老婆梅拉尼婭（Ｍｅｌａｎｉａ Ｔｒｕｍｐ），因為著錯衫被媒體轟。事緣
佢出發去探望被迫與父母隔離嘅非法入境兒童時，身上件大褸居然印有「Ｉ ｄｏｎ’ｔ
ｒｅａｌｌｙ ｃａｒｅ﹒Ｄｏ Ｕ？」（我真的不在乎，你呢？）
雖然抵達之後，佢換咗件無字樣嘅白色外套，但係政治人物形象呢啲嘢，鏡頭拍到Ｄ乜就係
乜！事關梅拉尼婭平日著開Ｄ奢侈品，唔怪得大家懷疑今次幾百蚊嘅Ｚａｒａ褸背後，有冇深層
意義啦！
不過，侵侵就護妻心切，喺推特（Ｔｗｉｔｔｅｒ）寫文話「我不在乎」係講緊出假新聞嘅
媒體，太太真係不在意。
講真，作為公眾人物，嘢可以乿食、說話唔可以亂講之外，衫都唔可以亂著呀，費事惹來關
公災難就唔好啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
