RSS訂閱 《笑傲缸湖》話說今個禮拜花旗國最大轟動嘅事件，莫過於「鋼鐵俠」馬斯克（Ｅｌｏｎ
Ｍｕｓｋ）響個推特上面講：「我計劃用（每股）４２０銀美金私有化特斯拉，資金
Ｒｅａｄｙ。」消息一出，個個都爭住入貨，股價試下上太空嘅滋味，禮拜二（７日）曾經一下
抽上３８７銀美金。
唔好咁老定住，鋼鐵俠呢個Ｐｏｓｔ已經觸動咗花旗國證監嘅神經，因為要有「公平披露原
則」，如果亂咁隨便網上講消息而舞高弄低股價就會犯法，所以證監會已經開始調查鋼鐵俠係咪
真係資金Ｒｅａｄｙ，你都唔好話幾濕滯。
之不過，人哋係鋼鐵俠，想點不羈任性都得，因為人哋有咩啊？錢啊！正所為「錢我大把﹒
﹒﹒我要初戀啊！」咁我哋一齊嚟睇睇特斯拉嘅「初戀」。話說有人係網上計過條數，如果你喺
２０１０年同特斯拉「初戀」（ＩＰＯ）時候（當年招股價只係１７銀美金），並「相戀」佢到
依家，今時今日佢已經增值超過２０倍。即係如果當年你用１０００銀美金（約
７８５０港銀）買入，直到前日（７日）為止，已經價值２２３２７銀美金（約１７﹒５萬銀）
。
幻想永遠都係美好，「愛情」嘅困難在於，你有無能力同佢堅持到依家，當初嘅山盟海誓已
經化作一廉幽夢啦。正如若果同李超人嘅長江１號「相戀」，１９７２年招股價３蚊時候揸到今
年３月，連同收到嘅股息、紅股再增持，已經升值超過５０００倍。所以，愛情同股票一樣，都
係要堅持，堅持，再堅持！當然，大前提係搵到個好「對象」啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
