RSS訂閱 《笑傲缸湖》侵侵一向都有大諗頭，之前已經成日提出要建立太空軍隊，真係睇Ｓｔａｒ
Ｗａｒ（星球大戰）睇上腦。不過探子就回報，花旗太空軍部隊睇嚟真係就來落實啦！
探子收到風指，花旗副總統Ｍｉｋｅ Ｐｅｎｃｅ宣布咗，國防部將要建立三個新機構，仲
表示總統侵侵（特朗普）將會下年同國會展開合作，希望喺２０２０年前建立好花旗太空部隊部
門。
花旗軍方一直都有利用到太空科技，今次花旗希望成立一個部門，其實都係為咗可以好好統
籌太空作戰，副總統亦呼籲花旗太空指揮部成立一個統一作戰司令部同埋一個太空發展部，前者
對作戰作出統籌，後者主力獲取新太空技術。另外，亦希望成立太空作戰部隊，以及設立新職位
，作為太空軍隊嘅負責人。
花旗先行一步，建立太空軍，侵侵野心真係大到連宇宙都想食埋！唔知又會唔會掀起全世界
新嘅太空軍備競賽呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】本港主要銀行跟隨美聯儲減息，你對樓市前景有否信心？► 立即投票
