RSS訂閱 《笑傲缸湖》面部掃描唔再喺人類嘅專利啦！根據外媒報道，挪威養魚公司Ｃｅｒｍａｑ同
挪威科技公司ＢｉｏＳｏｒｔ聯手測試魚嘅面部識別能力，並且計劃喺自家三文魚養殖場推出面
部識別技術，對養殖場入面嘅每一個「魚頭」做掃描，用嚟檢測三文魚表面有無海蝨咁囉！每條
魚都會有自己嘅獨立醫療記錄，好威威！
其實，海蝨問題一直喺三文魚養殖場嘅困擾之一。如果以年計算，可能會令全球三文魚產業
損失１０億美金咁多添。而Ｃｅｒｍａｑ嘅系統利用３Ｄ掃描攝像機，記低三文魚嘅眼睛、嘴巴
、同埋鰓周圍嘅斑點圖案進行分辨咁話。如果發現魚嘅身上面有海蝨或者皮膚病嘅徵狀，就會將
佢地隔離出嚟接受治療。
Ｃｅｒｍａｑ唔喺唯一一間利用測試面部識別技術嘅農業公司。花旗國農業大佬
Ｃａｒｇｉｌｌ都試驗緊呢項技術，用以調整乳牛嘅餵飼成分，從而增加牛奶產量。
Ｃｅｒｍａｑ發言人仲喺一封電郵聲明入面表示，ｉＦａｒｍ喺佢地開發有關計劃嘅概念，
開發周期就為６年咁長。發言人仲強調，測試嘅起初已經見到正面嘅一面，所以佢地表示對成功
開發ｉＦａｒｍ充滿信心。
而ＢｉｏＳｏｒｔ總裁Ｇｅｉｒ Ｈａｕｇｅ就表示，公司早前將２０００條魚困喺設計嘅
圍欄裡面，並且成功完成咗歷時９個月嘅實驗同測試，證明咗有關原理喺ｗｏｒｋ架！下個月佢
地就計劃對１萬條魚進行新嘅測試，仲打算喺最少有１５０萬條魚嘅大型圍欄入面測試。
盈盈就覺得呢個喺一個ｇｏｏｄ ｔｒｙ，如果成事的話，呢項技術就可以被廣泛使用，提
升漁農業發展！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】的士記分制將於周末生效，你認為該制度可否幫助的士提升服務質素？► 立即投票
