RSS訂閱 《笑傲缸湖》維珍銀河（Ｖｉｒｇｉｎ Ｇａｌａｃｔｉｃ）星期四（１３日）首次將商業
太空人送咗上太空邊皮，該公司創辦人理查德．布蘭森（Ｒｉｃｈａｒｄ Ｂｒａｎｓｏｎ）向
公眾表示，希望下年年中自己可以飛向太空邊緣，之後不久，普羅大眾將可以陸續完成佢地專屬
嘅「太空旅行」。不過，佢又笑稱，佢成日都有估計錯誤嘅問題，當初以為公司只需要７年時間
就可以送人飛上太空，不過最終就用咗雙倍時間（１４年）咁話！
佢仲向公眾表示，星期四嘅「ｍｉｓｓｉｏｎ ｃｏｍｐｌｅｔｅｄ」之後，宇宙飛船
Ｕｎｉｔｙ就會開始有關嘅維修檢查工作，先會再考慮下次有關嘅試飛計劃。佢仲預計，
Ｕｎｉｔｙ會喺出發去新墨西哥州嘅Ｓｐａｃｅｐｏｒｔ Ａｍｅｒｉｃａ之前，再試飛多
３次，又答應喺不久嘅將來，公司將會喺新墨西哥州擁有３架載人嘅宇宙飛船。睇嚟布蘭森真喺
打算朝住呢個方向好好發展喎！
據報維珍銀河「太空旅行」到目前為止有六百個ｂｏｏｋｉｎｇ，以每飛一次票價２５萬美
金（約１９５﹒２９萬銀），計一計條數目前潛在生意額接近１２億銀，睇嚟呢門太空生意都有
有作為。話時話，盈盈都希望有一目可以飛上太空，親眼睇下地球全貌！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
