RSS訂閱 《笑傲缸湖》花旗國一個民調機構最近做咗一個非常有趣嘅調查，令盈盈都覺得大為驚訝。
曾幾何時盈盈都諗過到底單身市場商機大啲，定情侶市場商機大啲呢？今次民調一次答晒大家。
調查結果顯示，依家喺花旗國出身嘅人，有大概２５巴仙人決定永遠都唔結婚；而喺歐洲幾
個主要嘅城市，一人家庭嘅比例已經超過５０巴仙；而對日本三成男人同兩成六女人嚟講，單身
並唔係婚姻道路上嘅短暫停留，相反係一個人生選擇。
其實今次調查係由以色列希伯來大學教授Ｋｉｓｌｅｖ帶頭做嘅，總共分析咗３１個國家、
３０萬人嘅數據，除咗調查現有嘅統計數據之外，亦都進行咗近１５０次嘅深度訪問。
講到孤獨嘅時候，原來長時間單身嘅男女，比已婚嘅同齡男女喺社交上更活躍，社交網絡亦
都更廣闊。不過，依家人與人之間交往，好多已經轉向社交媒體，所以佢哋喺社交媒體上會更活
躍。數據就顯示，喪偶、離婚、未婚人士同朋友交流嘅頻率，分別比已婚人士高１７巴仙、
２０巴仙同４５巴仙。
教授喺總結提到，單身人士有更多時間同朋友，或者家人相處，例如分享自己嘅經歷、幫人
湊仔、照顧老人家等等，所以大家都應該將單身視為一種財富，而唔係指責佢哋無結婚。不過，
盈盈就覺得不論單身係咪財富，單身現象都已經為Ｆａｃｅｂｏｏｋ同Ｔｗｉｔｔｅｒ帶嚟無形
嘅支持同財富。
「隨住情人節（２月１４日）臨近，大家都應該重新諗下單身人士喺社會受污名化嘅影響。
」教授呢句說話根本就係盈盈同一眾缸友嘅心聲。不過，回想返「單身狗」同社交媒體又的確係
同一時代嘅產物，話唔定真係有一種相輔相成嘅關係。
缸友們今個情人節都應該一齊關心下身邊嘅單身男女朋友啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
