RSS訂閱 《笑傲缸湖》嚟到情人節，買花、買禮物、出街吃飯……對促進消費帶來好大幫助，以東瀛
為例，情人節朱古力嘅銷售額已佔全年嘅四分之一。不過，多份調查報告顯示，今年各地喺情人
節嘅消費增長預期麻麻地。花旗國嘅零售聯合會統計過，十年前有超過六成人會慶祝情人節，今
年得返一半人會咁做，創十年以來嘅新低。另有調查指，花旗國每對情侶慶祝情人節花費大約係
７０美金，同舊年一樣，亦只係比十年前多８美金。
米字國方面，唔知係咪因為「脫歐」問題，影響經濟環境之餘，大家連慶祝情人節嘅心情都
影響埋，今年消費預計得嗰３巴仙增長。亞洲國家情況都不外如是，泰國有研究指，今年情人節
消費將創新低，更係過去十三年來首次出現負增長。
除咗經濟環境嘅因素，文化因素都會影響大家慶祝情人節嘅意欲。最近東瀛嘅女性就反對慶
祝呢個節日，因為當地職場有個傳統，女同事喺情人節當日要送朱古力畀男同事。有女性反對，
話咁樣突顯職場男女不平等，而且係被逼作不必要嘅消費。更有人話咁會造成同事之間嘅競爭，
「較受歡迎嘅男同事如果收晒啲朱古力，就會大大影響整體公司士氣。」
不過，東瀛女性就並無因為咁少咗買朱古力，據報有超過六成受訪者話，今年改為買朱古力
畀自己吃，得返三成半人會跟返傳統買畀男同事。
其實，情人節最重要係人與人之間感情維繫，唔係買花，唔係買禮物，亦唔係消費。盈盈喺
度祝大家情人節快樂，最後送上幾句阿里巴巴主席馬雲嘅愛情保鮮秘訣，即刻用又得，袋住先都
得，「愛是做出來的，幸福是奮鬥出來的。兩情若是長久時，必須要做到朝朝暮暮；婚姻的持久
性非常重要，但是婚姻的幸福更為重要，創造幸福是婚姻首要。」《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
