RSS訂閱 《笑傲缸湖》支付寶可以話係一個比較安全嘅環境了，從佢出現到宜家幾乎都無聽過支付寶
畀黑客入侵嘅新聞，而且佢嘅全球用戶數仲要不斷上升。喺今年１月支付寶仲宣布話佢已經有超
過１０億嘅全球用戶。唔通支付寶真係無駭客入侵？馬雲爸爸就唔係咁講啦。
喺星洲《福布斯》全球首席執行官大會上面，馬雲爸爸就話，對於阿里巴巴集團嚟講，我地
每日都會受到３億次嘅駭客網路攻擊！但係好好彩嘅係我地至今都係咩事都無。而且，馬雲爸爸
仲話自己非常自豪支付寶依個傑作。佢話支付寶每日都要處理近１０億用戶總額超過５００億美
金嘅交易，但係我地從未畀過一分錢駭客。睇到依到，盈盈都不禁感嘆爸爸果然係爸爸，口氣認
真大啊。
相信大家同盈盈一樣都會諗，每日都要面對３億次嘅網路攻擊，咁阿里巴巴究竟係點樣破解
？原來，阿里巴巴自己整咗一個叫「阿里巴巴情報」嘅人工智能嚟發現並阻止惡意程式入侵。馬
雲話佢地教識曬人工智能所有人為惡意攻擊嘅方法，並令佢記住依數百萬種嘅侵入方法。因此，
當有駭客想攻擊前就會先畀人工智能發現並阻止。
同時，為咗提高人工智能嘅精確度，阿里巴巴都會去收集大量客戶嘅數據。馬雲爸爸仲話，
對比起人佢更加相信機械。因為機械係更加客觀理性，佢唔會因為你係馬雲就放你一馬，佢只在
乎你做嘅係好事定壞事。雖然馬雲爸爸喺上個月就退咗休，但佢依然因為對企業做出嘅傑出貢獻
而榮獲馬康福布斯終身成就獎。盈盈喺到真係要恭喜馬雲爸爸啦。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
