《笑傲缸湖》唔經唔覺疫情已經出現咗差唔多成半年,相信好多人已經對帶口罩習以為常,
日日戴口罩出街好似著衫咁著。但係一出街就發覺幾乎人人同款其實都幾悶,加上好多時帶口罩
之後都好難認到啲friend。喺呢個時候,你話如果有個自己專屬口罩你話幾好呢?盈盈最
近就知道有個地方可以幫大家整喇!
無錯!印度一間攝影工作室推出一款新嘅「人面口罩」,即係將顧客自己個樣印上去個口罩
上面。攝影師會將大家個鼻開始至下巴嘅相印喺口罩到,用嚟吸引新嘅顧客。佢哋話,口罩上印
有樣嘅呢一層棉布可以洗架,即係可以用完又用啦。可能佢都知帶口罩比較焗,希望等大家帶口
罩個時比啲「趣」,可以稍微忘記吓焗嘅感覺!
攝影工作室負責人好好架,佢仲分享呢個創意比其他攝影工作室嘅同行,話希望將呢個創意
分享比因為疫情而搵唔到嘢做嘅攝影師。
盈盈覺得呢個創意非常值得大家欣賞!雖然而家市道咁差,但「天無絕人之路」!只要大家
比個創意同目標自己,再喺一個差嘅環境調整同裝備自己,相信屬於自己嘅機會遲早會嚟,大家
係疫情期間都要加油啊!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
【與拍賣官看藝術】常玉作品屢創天價,背後其實藏著跌宕起伏的人生► 即睇