RSS訂閱 《笑傲缸湖》呢排疫情開始反彈，盈盈都多咗留喺屋企，日日喺屋企冇嘢做就想試下學人改
造下家居，咁就去咗宜家（ＩＫＥＡ）行吓，好奇問吓啲職員買家俬有冇舊換新優惠，即係好似
蘋果舊機換新機果啲，點知勁失望，係冇嘅。不過，今日先發現原來唔係冇，只係香江未有。嚟
緊宜家將會喺２７個國家提供舊家俬回購服務，會將啲二手家俬轉售、回收或者捐贈比慈善機構
，米字國、花旗國同櫻花國都有份，香江方面就要等等先啦。服務將會喺十一月底推出，因為啱
啱好可以抵銷返花旗國「黑色星期五」嘅過度消費，用優惠劵去吸引客人帶舊家俬嚟回收，之後
就會修理同翻修舊家俬，整返好嘅就會捐贈俾鄰近社區有需要嘅人或者係店舖到以低價出售，比
較殘舊嘅就會拎去回收，透過呢個回收服務達到循環經濟，杜絕浪費。
咁個優惠有幾多呢？咁就要睇下拎去回收嘅舊家俬有幾新淨啦，如果睇落好似新買咁嘅，宜
家就會俾返件家俬原價嘅一半你；如果表面有啲刮痕但整體都叫完好嘅話，都有３成拎得返。幫
舊家俬估完價之後，宜家會出現金卡俾個客，雖然唔可以換返現錢，但可以喺宜家度買嘢。至於
有咩家俬可以拎去回收？宜家話只要仲用得嘅就收！大部分嘅宜家家俬都會收，但唯獨床就考慮
到安全及健康原因所以唔收啦。宜家仲寫包單話即使係幾十年前買，而家市面上已經搵唔到嘅家
俬一樣照收，只要仲用得就可以回購。
盈盈希望香江宜家回購服務快啲推出啦。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
