RSS訂閱 《笑傲缸湖》外號「女版巴菲特」，被稱為「連登契媽」嘅Ｃａｔｈｅｒｉｎｅ Ｗｏｏｄ
一向投資眼光獨到，一早就重注Ｔｅｓｌａ落飛大獲成功，旗下方舟投資基金（Ａｒｋ Ｉｎｖ
ｅｓｔ）重倉Ｔｅｓｌａ，佔比超過一成，舊年回報率超過１﹒７倍！
了解契媽嘅都知佢向來睇好科技股，尤其係有顛覆性嘅創新技術股，今次嘅就直頭落注人類
發展會邁向宇宙，推出全球首個「太空探索ＥＴＦ基金」，代號「ＡＲＫＸ」！
睇返資料，方舟將太空探索行業分為四大類，分別係軌道航空航天、亞軌道航空航天、賦能
技術同航空航天受益者。相信大家睇完都唔會明係咩公司。等盈盈都同大家解釋返，第一類可以
理解做衛星和運載火箭公司；第二類就係電動航空交通工具公司，即係無人機個啲；第三類就有
３Ｄ打印?ＡＩ?機械人公司；最後第四類受益公司就有農業同ＧＰＳ公司咁，就咁睇「太空探
索」概念股都有一大堆。
雖然隻ＥＴＦ有咩成分都係未知之數，但係花旗孖屐太空板塊已經開始落鑊！星期四美股航
天公司維珍銀河同Ｍａｘａｒ Ｔｅｃｈｎｏｌｏｇｉｅｓ股價真係突破天際，孖屐都係估吓佢
哋會有份入ＡＲＫＸ姐，維珍就抽升一成八，啊Ｍａｘａｒ更加飛高兩成五，可見呀契媽個光環
有幾勁。
先有馬斯克旗下ＳｐａｃｅＸ推出星鏈，依家女版巴菲特又準備緊太空探索ＥＴＦ，睇嚟缸
友們都要與時並進，衝出地球，邁向太空啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
樂本健【秋日開倉26 - 27/9】保健品低至$20！► 火速行動
