RSS訂閱 《笑傲缸湖》唔知大家記唔記得早排大熱嘅語音社交軟件Ｃｌｕｂｈｏｕｓｅ，喺香江同寶
島出現後一星期內已經衝上Ａｐｐ Ｓｔｏｒｅ嘅下載榜首位置。不過現階段仍以ｉＯＳ平台優
先，Ａｎｄｒｏｉｄ版本因私隱問題而遲遲未能推出。盈盈作為Ａｎｄｒｏｉｄ用戶都望穿秋水
，等啊等，終於有好消息傳出！
有報道話，Ｃｌｕｂｈｏｕｓｅ已經請咗一名Ａｎｄｒｏｉｄ軟體開發人員，證明佢開始開
發Ａｎｄｒｏｉｄ應用。呢位Ａｎｄｒｏｉｄ程序員名叫莫沛娃．奧岡戴普（Ｍｏｐｅｗａ Ｏ
ｇｕｎｄｉｐｅ），佢返工第一日就上Ｔｗｉｔｔｅｒ打卡，話如果了解佢，就知道佢對ｉＯＳ
獨家應用好有「意見」，所以好高興能加入團隊，將Ｃｌｕｂｈｏｕｓｅ帶到Ａｎｄｒｏｉｄ上
。
奧岡戴普其實大有來頭，根據Ｔｗｉｔｔｅｒ個人資料，佢係自薑餅系統後成為Ａｎｄｒｏ
ｉｄ開發人員。睇返佢ＬｉｎｋｅｄＩｎ，列出咗自２０１４年以來喺Ｉｎｓｔａｇｒａｍ、可
汗學院以及Ｍｅｄｉｕｍ從事Ａｎｄｒｏｉｄ開發嘅經歷。
Ｃｌｕｂｈｏｕｓｅ喺舊年３月推出，迅速成為矽谷最熱門嘅消費類應用之一，喺Ｃｌｕｂ
ｈｏｕｓｅ上，用戶可以利用純語音虛擬房間討論，通過流行文化進行社交，或者聽下大人物，
好似馬斯克（Ｅｌｏｎ Ｍｕｓｋ）嘅演講。
雖然仲未有開發詳情，不過盈盈真係好期待！不過依家啲ＡＰＰ更新得咁快，唔知到時仲興
唔興玩Ｃｌｕｂｈｏｕｓｅ呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
