RSS訂閱 《笑傲缸湖》又到咗學生畢業同搵工旺季又到喇。不過一場疫情都會令到外國，尤其係美國
，仲因為有好多打工仔女反思返工有乜意義，結果掀起咗「大辭職潮」，其中金融業都受到波及
，結果今年華爾街大行請ｉｎｔｅｒｎ嗰陣都採取銀彈政策，但喺而家無論幾多歲都可以唔要高
薪但要追夢嘅年代，唔知又ｗｏｒｋ唔ｗｏｒｋ呢？
據網上投資銀行和金融業社區Ｗａｌｌ Ｓｔｒｅｅｔ Ｏａｓｉｓ嘅數據顯示，暑期實習
分析員舊年嘅人工連花紅可以有８﹒５萬美金，即係大約超過６６萬港紙！碩士或博士生實習甚
至搵得仲多，有１４﹒７萬美金，即係超過１１５萬港紙！
《彭博》就話，主要投資銀行嘅實習生喺今個實習季節可以搵多３７﹒２％，其他大銀行亦
可以搵多３６﹒９％添，而坐盤交易公司Ｊａｎｅ Ｓｔｒｅｅｔ實習生今年就可以每月搵到
１６３５６美金，即係１２８３９４﹒６港紙！
Ｗａｌｌ Ｓｔｒｅｅｔ Ｏａｓｉｓ嘅創辦人Ｐａｔｒｉｃｋ Ｃｕｒｔｉｓ話，咁高人
工係俾啲好突出同埋屬於計量金融範疇嘅員工，確實係俾啲有技術同傑出嘅人才，啲大行亦願意
使呢啲錢，等各位同學試吓畢咗業之後可以咁和味。再加上疫情令好多員工被迫遙距工作，無得
返ｏｆｆｉｃｅ同同事互動同埋做朋友，所以啲大行咪用銀彈政策招攬啲同學囉。
睇番香港，金管局今年都有同銀行業合作推出畢業生培訓計劃，等啲ｆｒｅｓｈ
ｇｒａｄｓ可以邊做邊學，內容有ｆｉｎｔｅｃｈ、綠色同可持續金融，仲有大灣區業務工作機
會，相當貼地，名額１２０人，每人最高可獲６０００蚊資助添。盈盈就覺得，其實同學最大嘅
本錢就係年輕，趁離開校園但係仲有學習能力，把握機會學嘢比起金錢重要，喺社會大學學到嘅
工作同待人接物技巧就係可以受用一生。先付出努力同汲取經驗，再去追逐夢想同財富就肯定事
半功倍！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】的士記分制將於周末生效，你認為該制度可否幫助的士提升服務質素？► 立即投票
