RSS訂閱 《笑傲缸湖》新冠疫情持續咗兩年幾，拜科技所賜，ＷＦＨ開始成為新常態。正當好多企業
例如谷歌、亞馬遜、摩通都為疫後啟動番ＷＦＯ嘅返工模式做準備，但又要為唔少員工唔想合作
而頭痛之際，民宿租賃平台Ａｉｒｂｎｂ上個月就宣布，公司將永久採取「邊度開工都得」
（ｗｏｒｋ－ｆｒｏｍ－ａｎｙｗｈｅｒｅ）嘅返工模式，喺全球１７０個國家自由揀工作地點
！唔知咁做又會唔會令幾乎天生就鐘意去旅行嘅香港人羨慕呢？
Ａｉｒｂｎｂ嘅ＣＥＯ切斯基（Ｂｒｉａｎ Ｃｈｅｓｋｙ）話，優秀人才周圍都有，而當
地理距離同交通不再係一種侷限，靈活嘅辦公模式就可以幫到Ａｉｒｂｎｂ喺全球範圍僱用嚟自
唔同背景嘅人才，成為更多元嘅團隊。
但究竟公司點確認員工係咪喺度認認真真開緊工呢？切斯基就喺寫畀團隊嘅公開信中講到明
，就係講個「信」字囉。
據切斯基喺Ｔｗｉｔｔｅｒ度公布嘅新辦公政策５項準則指出：員工可以自由選擇喺辦公室
或屋企辦公；可以喺所在國家內自由搬遷，薪酬同地域津貼唔會受到影響；１７０個國家任揀工
作，一年內可留喺同一個地點最多９０日；公司每一季將舉辦一次團隊聚會，每次為期一星期，
高層聚會就搞密啲；為確保順利落實新政策同合作無間，公司將以每年２大產品更新為主軸工作
。
切斯基早前接受《時代》雜誌專訪時提到，傳統的辦公室已經過時喇，係數碼時代之前的產
物。佢預計，未來１０年嘅辦公模式將會變得更靈活，工作地點會變得比較「遊牧式」。
盈盈覺得Ａｉｒｂｕｂ准員工永久「遊牧式」開工確係好貼地嘅，不過，各位打工仔女如果
一路周遊列國一路返工，坐緊飛機都要覆老細ｃａｌｌ，其實心理上會唔會受到更大束縛呢？仲
有唔同國家都有唔同嘅稅務規例，交稅問題又點解決呢？同埋員工既然係同一個做出租民宿業務
嘅企業打工，咁入住同佢有合作嘅民宿又會唔會有優惠，從而解決埋喺唔同國家住宿嘅問題呢？
呢個遊牧人打工概念真係愈諗愈得意，又睇吓Ａｉｒｂｕｂ又點樣見招拆招喇。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
