極速報價  |  詳細報價  |  互動圖表  |  成交  |  新聞  |  評論  |  影片  |  相關證券  |  公司資料  |  派息  |  賣空
00011 恒生銀行
即時 按盤價 升93.000 +0.450 (+0.486%)
相關新聞

17/04/2014 16:18

【著數神算】AE黑咭幾咁頂級尊貴?銀聯銀行咭「物離鄉貴」?

  《著數神算》本欄過去3期嘅「信用咭秘笈」,筆者可謂已將小秘技傾囊而出。看倌們大概
領悟得八八九九,但問題係:「放邊幾張信用咭喺銀包,『搵著數』最好呢?」
  現時香江主流商舖接受嘅信用咭類別包括:Visa(下稱:V)、Master(下稱:
M)及American Express(下稱:AE)。當然,孖屐中仍有其他選擇,包括
大來信用證(Diners Club)及JCB等,但呢類咭只得少數超大型連鎖店先受你玩
,加上佢哋相對「低調」(即係絕少搞優惠推廣),故筆者唔多花筆墨了。
  喺香港地,大多數肯收咭嘅商戶,不論客人拎V或M出嚟,都可謂無任歡迎。但至於一直予
人身份矜貴、只屬高管或老闆階層用嘅AE咭,其實現時已非如各位想像中般咁伸手「遙不可及
」。近年AE積極搞「平民化」,據官方資料指,單喺上年就於香港增加成千個消費點。

*銀聯「信用咭」、「銀行咭」之分野*

  自中央放寬自由行計劃,祖國班「自由神」漸漸已成為香江零售業嘅主要米飯班主,所以商
戶亦主隨客便,接受嘅咭種亦要「符合國情」,故銀聯咭火速冒起,成為咭種新勢力。然而,唔
少朋友都對銀聯咭UnionPay有所誤解,以為一般銀行提款咭背印有「銀聯」logo,
就以為可喺相關優惠中「搵著數」,但絕大部分只會撞板收場。
  其實只有咭號以「62」字頭嘅「銀聯信用咭」,才是真正的消費支付咭、預付咭。故一般
情況下,看倌都無謂拎張提款咭出嚟碌,費事自討沒趣。

*Visa、Master攻「嘟咭」*

  對於AE及銀聯的進擊,主流嘅V及M亦不敢怠慢,近年已積極開闢新巿場,著力發展感應
式付費功能。技術名稱咁先進,咁用法又可否平易近人呢?其實用法絕唔複雜,咪好似八達通咭
嗰類靠「嘟」畀錢嘅技術。V嗰們技術叫「payWave」,簡單講就好似將粒「嘟咭晶片」
埋喺信用咭,若消費喺500蚊樓下,只要「嘟」一下就可交易,連大名都唔使簽,據稱香港地
已有逾3400個「嘟咭點」添。至於M嘅「PayPass」系統亦大同小異,但佢近期大力
推廣同手機搞crossover,借手機嘅通訊NFC晶片作媒界,令人揸住部手機亦可路路
通行。
  但可惜,呢類「嘟咭」業務早就被八達通咭割據山頭,相對之下並唔流行,所以不少發咭行
用銀彈策略,實行「雞髀打人牙骹軟」。其中,Citibank近期就搞緊推廣,若以之消費
可獲現金回贈;恆生(00011)亦曾同PCCW(00008)合搞宣傳,若使用其手機付
費功能,則可免費享用其價值過萬銀嘅2年電話年費。
  香港哋奉行醒目仔經濟,邊度有著數,自然一窩蜂湧過去。由此估計,相信V及M嘅「拍咭
繳費」功能,距離成為主流亦只係時間嘅問題。作為消費者,即管食住花生「坐享其成」。

*「AE黑咭」38888元年費魅力*

  坊間信用咭種類眾多,可謂只要你人工高、身家厚,邊張咭都隨便可到手。然而,在芸芸咭
海中,唯獨AE旗下嘅Centurion Card(下稱:AE黑咭)係當中嘅異數,就算
有頭有面,仍要係AE老客,方可獲邀入會。
  由於AE黑咭入會要求奇高,故持咭者只屬少數,市場上相關報道亦不多。但好彩,筆者朋
友眾多,有AE黑咭嘅朋友都有兩個,趁呢個機會捉其中一個傾幾句。

  筆:筆者   友:有錢仔朋友

  筆:當日你點申請到張AE黑咭?

  友:無特別申請,只係AE來電指我被獲邀,咁就由白金咭升級至AE黑咭。

  筆:AE黑咭年費要多少呢?

  友:每年盛惠38800銀,附屬咭平一半。

  筆:傳聞AE黑咭並無信用限額,實情如何呢?

  友:理論上,AE黑咭是並無信用上限的,月結單亦唔會顯示呢個數目。換句話說,即係你
    夠膽碌咭,一次過買隻遊艇、買個物業都得。
    可是,有次購物碌咭約十餘萬元,交易成功,但隨即收到AE風險管理部致電求證。所
    以係咪「無限地」簽帳?值得相榷。

  筆:傳聞指客戶可以要求名店關門之後,AE可安排加時「包場」,真的有如此禮遇嗎?

  友:確應如此,客服中心會不時致電咭主,詢問是否需要該等特別安排。AE曾為本人安排
    一間著名米芝蓮餐廳嘅預約,據聞一般人需苦等多月才可留位,而我只稍一個電話即可
  
    安排。

  筆:據聞AE禮賓服務,可代客戶解決多方難題,無所不能,試過嗎?

  友:這倒又試過!話說Lady Gaga喺2012年來香港開演唱會,每張門券當日
    街價炒到過萬銀,AE方面都幫我撲到2張飛,仲要今日打、第二日就速遞到手,算相
  
    當唔話得。

  友人喺銀包拔出AE黑咭,筆者一接上手,就明白咩叫尊貴。一般信用咭以塑料訂製,AE
黑咭則以鈦金屬製造,除硬身之餘,仲有番咁上下「份量」添,估計起碼較一般咭重兩、三倍。

*銀聯咭出國撳錢,兌換率靚、慳時間*
  
  講完AE黑咭,走筆至此,回歸尋常百姓家,講下外遊碌咭。
  其實,筆者外遊除非幫朋友買野用信用咭外(拎住張單收錢方便喲),免得過都唔會碌咭,
雖然國泰(00293)聯營AE咭、DBS黑咭海外簽帳有額外回贈,但埋單要計手續費,另
兌換率又唔係太靚,未必次次划算。
  另一方面,上文曾提及嗰張「有名無實」嘅銀聯logo銀行咭,咭主去日本、韓國旅遊時
,佢就大派用場啦!今時今日仲要捐窿捐罅兌換外幣?太OUT啦,皆因只要有張銀聯
logo銀行咭旁身,落機後求其搵個有「銀聯」公仔嘅提款機,就可撳當地貨幣。以筆者經驗
之談,曾試過拎匯豐、中銀嘅咭去撳錢,喺唔收手續費之餘,匯率更靚到不得了,無幾多間兌匯
店能成其對手。所以以後外遊都唔使煩,落地先「搵錢」都未遲。
  但講明先呀,大家記得事前睇睇發咭行嘅使用條款,另盡量唔好拎「銀聯信用咭」去撳外匯
,以免提款機當作現金透支,最終賺匯率、蝕利息,咁就「偷雞唔到蝕把米」啦。
  本欄下一篇將係「信用咭秘笈」最後一章,將分享實戰秘技,以及如何喺平常消費中「搵盡
各方著數」。請密切留意!(本欄每隔周五刊出)

撰文:任我行

【與拍賣官看藝術】常玉作品屢創天價,背後其實藏著跌宕起伏的人生► 即睇

備註: 即時報價更新時間為 19/09/2024 17:59
  港股即時基本市場行情由香港交易所提供; 香港交易所指定免費發放即時基本市場行情的網站
專業版
HV2
精裝版
SV2
串流版
IQ 登入
強化版
TQ
強化版
MQ

【嚴正聲明】《經濟通》呼籲公眾提高警覺留意偽冒《經濟通》投資群組

如何分辨問米是否真實?通靈問事用什麼工具都可以?靈靈法即場示範通靈!

etnet榮獲HKEX Awards 2023 「最佳證券數據供應商」大獎

貨幣攻略

大國博弈

說說心理話

Watche Trends 2024

北上食買玩

Art Month 2024

理財秘笈

夏天養生食療

消委會報告

山今養生智慧

輕鬆護老