按盤價 
《開市Ｇｏｏｄ Ｍｏｒｎｉｎｇ》香江魚缸中止兩連跌，日內雖曾轉跌逾百點，好彩午後
愈升愈有，更以全日最高位收市，升２２９點，報２２０７２點，重上兩萬二兼收復十天線，大
市成交略縮至１５５５億元。２月開局靚，值得憧憬魚缸本月重返兩萬三？現時魚缸正處保歷加
通道中軸之上，仍未到買貨好時機？
一眾汽車股、特別係新能源車股集體落鑊，至少進帳半成升幅，疊加早前比亞迪
（０１２１１）發盈喜，對新能源車板塊利好作用可維持幾耐？仲有大行對神州汽車業睇法轉趨
樂觀，但林Ｓｉｒ早前並唔睇好汽車行業今年１、２月行情，點樣解讀市場對汽車板塊嘅睇法？
預計一月汽車銷售數據見起色未？
中資券商股亦與大市同步受追捧，有券商更明言喺高基數效應下，今年首季業績有望現高增
長，此預期會唔會過份樂觀？市傳本周五將落實Ａ股註冊制，對中資券商股係利好定利淡？現時
先高追係咪已經無肉食？
聽日（２日）《開市Ｇｏｏｄ Ｍｏｒｎｉｎｇ》搵嚟國農證券董事總經理林家亨，同大家
分析上述股份、大市走勢，同埋當日嘅焦點股，亦會跟進林Ｓｉｒ早前三隻利是股金蝶國際
（００２６８）、協鑫科技（０３８００）及東岳集團（００１８９），睇下林Ｓｉｒ預測準唔
準！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ
直播節目－－《開市Ｇｏｏｄ Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱
ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＰＹ－ｕｇｍＺＳｊＩＵ 打個卡先又得
！
【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票
