按盤價 
《開市Ｇｏｏｄ Ｍｏｒｎｉｎｇ》神州再出招撐市，人民銀行下調５年期貸款市場報價利
率（ＬＰＲ）１５個基點，刺激魚缸反彈，午後愈升愈有，一度升６７４點，高見２０７９４點
，５０天線（約２０８９９）前行人止步，收市升５９６點，收報２０７１７點。魚缸全周升逾
８００點，終止連跌兩周嘅走勢。憧憬神州再推利好政策，魚缸下周能否乘勝追擊，延續反彈勢
頭？
恒生指數公司稍後公布季檢結果，孖屐預料恒指今次將納入更多科技、醫療及消費股，染藍
大熱快手（０１０２４）、京東健康（０６６１８）、藥明康德（０２３５９）及海爾智家
（０６６９０）顯著造好，升４－５％。到底最終花落誰家？染藍新貴短期走勢如何？抑或擔心
染藍魔咒重現？
神州今日印發《十四五國民健康規劃》，推動中醫藥、仿制藥發展及完善三孩政策配套，消
息刺激醫療板塊全線飆升。醫療保健行業更成為《經濟通ＨＶ２報價系統》中，資金淨主動買入
第二多嘅行業，規模逾１１億。醫療股再獲國策支持，今輪反彈望幾遠？而家仲係撈底時機？
下星期一（２３日）《開市Ｇｏｏｄ Ｍｏｒｎｉｎｇ》搵嚟香港股票分析師協會副主席
潘鐵珊，同大家分析上述股份、大市走勢，同埋當日嘅焦點股！歡迎大家提問投資及其他股票問
題。
記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ
Ｍｏｒｎｉｎｇ》喇！或者ｃｌｉｃｋ入嚟（ｈｔｔｐｓ：╱╱
ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝５ｙＬｋＲ９ｈｓＬＯｋ）打個卡先又得
！
【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票
