按盤價 
《魚缸博客》嚟到年尾係傳統消費嘅旺季，不過今年大家都見經濟不似預期，但當中一啲買
奢侈品嘅板塊仲買唔買得過？好似早前公布中期業績嘅周大福（０１９２９）都表現唔錯啊，收
入同盈利都按年上升兩成同近９巴仙，而且睇公仔圖已經由１０月高位８銀跌到依家６﹒３銀嘅
位置，現時係咪撈底時機？
睇返周大福盤數，雖然上年成績唔錯，不過佢早排亦講維持今年店舖銷售只有高單位數至低
雙位數嘅增幅預測，意味住下半年增長表現會放慢。另一個影響呢類奢侈品股嘅因素，當然就係
「北水」啦，大家都睇到人仔喺年初高位回落唔少，而本地零售數據其實都同人仔走勢有密切關
係，年頭人仔仲喺高位嘅時候，香江零售銷售數據喺一月就增逾一成，二月就增近三成，但人仔
高位回落嘅情況，大家都有目共睹。
最新嘅零售數據顯示，１０月零售額按年只增長５﹒９巴仙，其中奢侈品類嘅，珠寶首飾、
鐘錶及名貴禮物零售額只升３﹒３巴仙，同期十一黃金周，神州訪港旅客增加２０巴仙。人仔貶
值睇嚟對本港零售銷售確實有負面影響喎！
細摩早前就話，周大福業務側重喺香江，而香江零售增長放緩，以及因毛利較低嘅黃金銷售
加大，毛利率受壓，畀咗佢他屐２３﹒５銀，評級係「減持」。
有分析指，最近神州經濟轉差，「孖屐」已經講緊下年會再降準，其中交銀話明年可能有
２至３次嘅定向降準，到時人仔可能再進一步貶值，加上中美貿易戰一日未解決，呢類對經濟比
較敏感嘅奢侈品股，短期嚟睇穿６銀嘅機會大，以黃金比率計亦即係由２０１６年開始形成嘅升
浪，總升幅嘅６１﹒８％回調支持位都失守，再尋底嘅機會大，缸友們暫時都係唔好沾手住啊。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【與拍賣官看藝術】常玉作品屢創天價，背後其實藏著跌宕起伏的人生► 即睇
