按盤價 
《經濟通通訊社２５日專訊》中銀香港（０２３８８）小股東人多勢眾係人都知，但估唔到
係股東會上嘅意見都一樣咁多，仲妙語連珠添！話說中銀出年就踏入上市十周年，好多小股東都
趁呢個機會，問吓和總股息會唔會有驚喜，和總雖然無承諾啲乜，但就笑笑口話會返去商量商量
。
當中有個小股東發表意見嗰陣，就非常精警，佢話，以前未嚟過中銀嘅股東會，唔清楚股東
結構，但係一嚟到就清楚明白晒，原來白頭人多過黑頭人，佢話呀，香港地冇退休保障，買股票
收息對班老人家真係好重要，嘩，咁語重心長，無非想兜個大圈，叫和總派多啲息啫！
小股東又話，佢自己就重鎚買咗半份身家架喇，但都並唔奢望股價可以有乜炒作，仲將滙控
（００００５）擺上枱，話佢就係前車之鑑，獅子行今日股價搞到咁狠狽，皆因管理層太過傲慢
，就算開股東會，全程英文，同小股東溝通始終隔重山。
和總聽見就即刻打個圓場，話佢其實都講英文架喎，即刻掟一句「Ｉ ｓｐｅａｋ
ｅｎｇｌｉｓｈ」，引得哄堂大笑，仲忍唔到口叫佢分散一Ｄ。
哈！其實，小股東嘥咁多口水，都係想講同一句說話嘅啫，出年上市十周年，和總，你識做
呢！
【與拍賣官看藝術】常玉作品屢創天價，背後其實藏著跌宕起伏的人生► 即睇
