「我嘅視野同你嘅視野好唔同。」、「我頭先講得好清楚。」eprint主席佘紹基喺上市記者會表現得好惡,記者會完咗,佢嗱嗱聲講唔好意思:「我真係太緊張。噚日見到好多報道,好擔心講得唔好,我平時語係咁架!」
查實記者邊會嬲佢吖,佢都答咗唔少嘢。例如希望今年嘅毛利率同上年持平,期望產量未來兩年可以多三分一。問佢點解2013年收入比前兩年跌咁多,佢話係因為立法會大選帶揳。
公司係印刷行業嘅本地薑,只係集資1﹒35億,聽日開始招股。佢話,上市集資咁少,無錯係可以問銀行融資就夠,但係上市更加希望俾到其他人信心,想做好呢盤生意。佢又話,公司收錢幾個禮拜就會到手,盈利算幾高。
紙價問題都答得精警:「我真係唔識睇紙價,但紙價升,我啲競爭對手成本都會升……大家都知,做生意係好殘酷嘅,會汰弱留強,我相信我哋會做到一個與時並進嘅決定去控制成本。」仲拍哂心口咁話,上市令到佢哋對未來發展充滿信心喎。
【你點睇】的士記分制將於周末生效,你認為該制度可否幫助的士提升服務質素?► 立即投票