RSS訂閱 《魚缸博客》大隻佬反彈，連帶一眾極?勢嘅「藍戰士」都彈出，當中更包括深得女士寵愛
嘅「鞋王」百麗（０１８８０）。
「鞋王」銷售增長放緩，向來都係佢嘅要害，而據剛公布嘅第２季嘅銷售數字，賣鞋業務只
升０﹒５個巴仙，雖然增長唔多，但喺一眾分析員睇死增長萎縮下，現仲唔借「輸少當贏」唱好
咩。就連早前預估「鞋王」或錄萎縮３％嘅巴克萊，即時來個華麗轉身，反手嚟個叫人買貨添。
睇番「鞋王」股價，當２月下旬「自首」預期舊年利潤近孖屐預測下限後，股價即單日大瀉
近兩成，其後持續尋底，至今個月頭更低見９﹒８３銀、創２年低後才見喘定。雖然「鞋王」銷
售數據唔靚已成定局，但喺咁嘅劣境下都唔錄萎縮，股價由２月高位累蒸發近五成，係咪過咗火
呢？睇睇今日（１２日）嘅反彈勢，缸友都應心中有數啦。
若博「鞋王」反彈，不妨留意睇番１４蚊位置，正係佢２５０天線、百周線、５０周線及
１０月線交匯嘅水平，若短炒搵餐茶，喺而家股價突破保歷加通道頂嘅情況下，值得撈底一博。
《編者按》本欄搜羅即市傳聞，惟消息未經証實，《經濟通》亦不保證內容之準確性。
【亞洲最矚目財經講座】陶冬看「2023年：政策轉變之年」與您分析環球市場焦點、中國宏觀經濟、香港樓市前景。► 火速報名
