RSS訂閱 匯賢（８７００１）公布「派餅仔」結果，中期每單位基金派１２﹒０３分
人仔，創上巿以來最高嘅中期息紀錄。雖舵手闊綽，但股友就看似唔多領情，今早匯賢偏軟。
早兩日，有吹水佬搶閘喺匯賢派成績表前吹淡風，指其祖國租務增長或見頂，又降評級、又降「他劇」。雖然租國商舖租金急衝幾年，但博客則認為只係借勢回氣，極其量只係橫行，總較香江租務有跳岸危機來得穩陣。
買得收租佬，大概目標只為求食餐安樂茶飯，雖然匯賢或繼續喺４蚊人仔橫行，但總好過上錯海盜船，捱香江收租佬大上大落嘅風險。另一方面，匯賢現價輕度「浮潛」，大有潛力上水見５﹒２４人仔。另其預期息率有７厘幾，單睇牌面已贏開巷啦，最後仲加埋人仔升值嘅底牌，贏面邊個大，一眼睇晒。
《編者按》本欄搜羅即市傳聞，惟消息未經証實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
