魚缸博客

31/07/2013 14:03

《魚缸博客》壽仔(02628)盈喜暗藏蠱惑,唔啱炒友搏殺!

  《魚缸博客》阿爺幾個月來無咩表示,內險股股價弱過藥煲,今日終於有個好消息,就係壽
仔(02628)發盈喜,話今年半年會比舊年同期賺多五成,以舊年半年賺96億人仔幾計,
即係今年六個月埋單都有大約百五億進帳,睇嚟相當和味,但再望真啲,呢個盈喜似乎有啲蠱惑

  心水清嘅缸友應該會記得,第一季集團已經派出一張靚到無人有嘅成績表,三個月就搵到成
百億油水,原因同今次盈喜講嘅一樣,都係投資收益增加同埋資產減值損失減少,直頭好似將份
靚靚首季業績循環再用咁,扣返呢條數,第二季分分數只有50幾億落袋,按年就省鏡,按季就
斷正。
  睇返公仔圖,集團股價近日上到18數樓上企穩返,今日股價重上十天線,不過行業競爭大
,基本因素無重大改變,除非嚟緊公布上半年條數有驚喜,新業務等基本因素都有改善,先有望
帶返股價轉勢,但近日大市無突破,有數睇之前短期50天線阻力大,想短炒都無乜水位,缸友
們如果想入市真係諗真啲!


  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
  • 生活副刊
  • DIVA
  • 健康好人生
產品簡介

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商

【健康集氣 友享有賞】疫境自強 第五激 賞Health Smart 「健體強身抗菌禮品包」