RSS訂閱 面部識別技術依家真喺愈嚟愈厲害，一些公司甚至聲稱佢可以睇得出兼且評估出大家嘅情緒同埋發現可疑行為咁話喎。但查實對我嘅隱私同公民自由又有無造成影響呢？
面部識別技術已經大大話話存在咗幾十年，但最近人工智能嘅發展進步神速，仲可以用嚟識別邊境客，幫警察叔叔搵出犯罪分子咁話。
心理學家聲稱佢哋可以透過喺相片同埋影片入面搵到大家既「微細表情」，從而搵出大家既隱藏情緒。
影片監控專家Ｏｌｉｖｅｒ Ｐｈｉｌｉｐｐｏｕ解釋話，呢個技術已經可以應用喺商業用途上面。仲話第時可能喺超市見到佢喺到分析緊客人嘅年齡、性別同埋情緒數據。仲有啊，可以幫手搞一啲針對性嘅銷售活動。
研究市場嘅機構Ｋａｎｔａｒ Ｍｉｌｌｗａｒｄ Ｂｒｏｗｎ（簡稱ＫＭＢ）就用咗美國開發公司Ａｆｆｅｃｔｉｖａ嘅技術嚟評估一下消費者對電視廣告嘅反應。做法喺咁既：喺得到消費者嘅准許之下記錄佢地臉部既影片，然後逐張「編碼」佢地嘅表情，話咁樣可以評估佢地嘅心情囉。
ＫＭＢ創新及科技總經理Ｇｒａｈａｍ Ｐａｇｅ話到咁樣就可以知道廣告邊個部分引發到佢地嘅情緒反應。
其實，面部識別到依家都仲喺一個好有爭議性既議題。就好似５月份喺威爾斯斯旺西
（Ｓｗａｎｓｅａ）舉行既英國廣播電台周末派對既時候，好多參加者都唔知道原本自己個樣已經畀警察用面部識別（ＡＦＲ）系統監視同掃描哂。佢地知道之後都同時表示：搞乜嘢啊？
個項目嘅負責人Ｓｃｏｔｔ Ｌｌｏｙｄ仲話有一個犯人喺個派對開始咗１０分鐘內即刻畀人拉咗。盈盈聽到都「嘩！」咗一聲出嚟！人權組織Ｌｉｂｅｒｔｙ批評呢個系統喺其他比賽入面都曾經錯誤引導過警察叔叔，最後決定對佢採取法律行動咁話囉。
其實，計盈盈話呢，我哋最緊要知道ＡＩ技術究竟喺用嚟幫助人類進步，定係用嚟控制人類呢？自然知道咩事應該畀ＡＩ做，咩事唔應該畀ＡＩ做，咁樣我哋就可以活得自在、輕鬆同快樂啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
