RSS訂閱 《笑傲缸湖》作為互聯網嘅大大佬，谷歌（Ｇｏｏｇｌｅ）彈藥充足又人才濟濟，無時無刻
都有唔少新搞作。谷歌除左搞無人車之外，佢仲搞埋識得飛同係水面行嘅車，而呢架車正正係谷
歌創辦人之一嘅拉里．佩奇（Ｌａｒｒｙ Ｐａｇｅ）嘅傑作，個名叫做雛鷹（Ｋｉｔｔｙ
Ｈａｗｋ）。
雖然一早已經有公司染指「飛行汽車」（Ｆｌｙｉｎｇ Ｃａｒ）呢一瓣，但咁多年嚟都好
似只係雷聲大雨點小。盈盈收到風話，拉里好進取，已經向花旗國嘅聯邦航空管理局申請飛行許
可，希望可以喺一Ｄ唔擠迫嘅地方飛行，仲信心爆棚咁話希望可以喺年底前上市。
拉里喺噚日仲要公布咗個視頻，喺入面睇到有一個人坐在喺一架名為雛鷹嘅飛行車上面，好
自在咁喺水上面飛嚟飛去。雖然拉里話呢架喺飛行車，但喺橫睇掂睇都似一架水上滑翔機，見唔
到有車轆，亦都見唔到佢點樣示範喺條路上面行駛，只喺見到飛行車下面都幾個螺旋漿，同喺水
上面行。
之後仲有人爆料話呢架只喺樣辦機，到時真正出街嘅無人機會好唔同。盈盈喺到諗，谷歌之
前搞嘅硬體設備，例如電話眼鏡等等都好似冇乜點普及過，唔知今次又會唔會成功呢？
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
