《笑傲缸湖》UberEATS年多前先至正式打入香江孖屐嘅送餐速遞服務,盈盈已經覺
得呢個Idea相當大膽同破格;但喺地球另一邊嘅谷歌母企Alphabet就同全世界嘅人
講,以人手充當媒介作速遞員呢條橋已經Outdated架喇,仲話已經喺澳洲東南部開始使
用無人機來充當速遞員咁話喎!
呢個大Project係源自佢旗下X部門嘅Project Wing項目,而試點就係
喺澳洲嘅首都直轄區,同埋新南威爾士交界地區的一部分居民率先試行,主要係為市民送外賣,
同埋運送藥物咁話喎。
目前呢駕無人機可以每小時120公里超飛行,機身就靠旋翼轉動來控制垂直升降,速遞品
就會牢牢掛喺個機底身上,有趣嘅係當到達目的地之後,無人機則無須停泊,只要低飛一會兒,
就可以成功將速遞品墮落喺降落點之上。
利用咁樣嘅形式來進行送遞,意味着要有好大嘅空曠地方;同埋就係喺駕無人機飛行個陣,
仲要環顧四周冇乜障礙物先至可以順利飛航,所以按盈盈估計暫時都冇咩可能會喺香江用到呢個
技術架喇。《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
全新節目《說說心理話》青少年不可以戀愛!?真實個案講述驚心動魄經歷► 即睇