《笑傲缸湖》盈盈身邊D男仔真係無鬼用,食魚嫌有骨好麻煩,所以唔食魚,同盈盈好唔夾
。就正如有D人食提子就嫌提子有核,食牛油果又覺得舊核好大舊好麻煩。不過,牛油果粒核又
真係堅大粒,所以英文入面直頭有個字叫「牛油果手」(Avocadohand),就係指某
D人用唔啱刀切牛油果、削片,或者去核,搞到嚴重手部受傷,呢牛油果粒核真係唔好太睇少佢
。
估唔到,盈盈成日愛逛嘅馬莎(M&S),貼心到為大家搵來無核嘅牛油果,成為米字國第
一間出售無核牛油果嘅超市。馬莎呢款無核牛油果,名曰雞尾酒(Cocktail)牛油果,
係來自西班牙嘅來佬貨。呢種牛油果睇落去似醃製咗嘅小黃瓜(Gherkin),唔係好長,
大約為5至8厘米,售價為2英鎊一盒,同普通牛油果嘅售價差不多,今個月起有得賣。
牛油果被列為營養最豐富的水果之一,有「一個牛油果相當於三個雞蛋」、「貧者之奶油」
嘅美譽,深受米字國人嘅喜愛。馬莎咁細心,相信好多消費者都會受落!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
全新節目《說說心理話》青少年不可以戀愛!?真實個案講述驚心動魄經歷► 即睇