RSS訂閱 《笑傲缸湖》常聽說有人話依家Ｄ時下媒體，漸已成為夕陽行業。盈盈表示不以為然，查實
都係睇下佢地會否與時並進，先至可以闖出一片新天；而花旗國嘅成人雜誌《花花公子》
（Ｐｌａｙｂｏｙ）今次就向全世界人示範咩叫「與世界接軌」。
《花花公子》噚日同全世界講，現正致力開拓網上電子錢包支付功能，仲話可以Ｓｕｐｐｏ
ｒｔ到幾種加密貨幣，例如可以接受Ｖｉｃｅ ｔｏｋｅｎ嚟找數。預期呢個電子錢包可以喺今
年底推出。
《花花公子》首席營運官Ｒｅｅｎａ Ｐａｔｅｌ表示，隨着呢種新興支付方法發展得愈來
愈蓬勃，得依家正是一個好時機，為旗下１億名讀者增加付款靈活性！公司仲話，儘管仲未有明
確時間表，但仍想逐步將加密貨幣錢包新增至不同範疇，包括休閒遊戲、擴增實境（Ａｕｇｍｅ
ｎｔｅｄ ｒｅａｌｉｔｙ），同埋虛擬實境（Ｖｉｒｔｕａｌ ｒｅａｌｉｔｙ）！Ｗｏｗ，
相信第日《花花公子》或許會成為涵括尖端科技、成人話題嘅消費平台喇！
不過盈盈又擔心，其實呢Ｄ虛擬貨幣嘅價格成日都大起大落，應該篩選邊一種虛擬貨幣，將
會係佢要面對嘅難題。作為《花花公子》忠實ｆａｎｓ，就要睇準邊隻貨幣可以趁低吸納啦！《
任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
