RSS訂閱 《笑傲缸湖》侵侵（特朗普）實在好難捉摸，成日話中美貿易戰要加碼，搞到人心慌慌，香
江魚缸風雨飄搖，傷亡慘重。不過點止，神州被侵侵玩謝，佢喺自己國家都一樣唔理所有人嘅反
對，突然話對非法移民「零容忍」，要遞解非法移民出境。而侵侵老婆梅拉尼婭（Ｍｅｌａｎｉ
ａ Ｔｒｕｍｐ）竟然唱反調，公開反對侵侵。唔單止佢呀，唔少科網巨挈「揸Ｆｉｔ人」都忍
唔住出聲反對！跌宕起伏實在令人覺得好似睇緊戲一樣。
今次政策一出街，短短六星期，就有近２０００名移民細路仔，被迫同爸爸媽媽分離，而且
被臨時安置在環境惡劣接收中心，仲慘過坐監喔。第一夫人睇唔過眼出聲一Ｄ都唔出奇！
矽谷有對夫婦，喺Ｆａｃｅｂｏｏｋ發起籌款活動，幫助呢班難民團聚，四日內已籌得
６００萬美金，ｆｂ老細朱仔都企出嚟話要停止呢項政策，仲話自己已經捐咗錢，並呼籲大家支
持添；仲有，Ｕｂｅｒ亦站出來譴責侵侵，公開表示話探討緊，如何提供免費法律援助，同時亦
捐錢幫助，公司喺舊年深陷醜聞後，總算俾大家留番Ｄ正面形象。
盈盈就覺得，政治件事好複雜，侵侵用商家嘅手法去執行政策，又朝令夕改，無視反對聲音
，今次嘅「零容忍」政策，影響數以千計嘅小朋友，真係唔該唔好咁兒戲囉！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
